أنا متجوزه عن حب وكنا متفاهمين وعلاقتنا كويسه وكل حاجه بس في مشكله ديما بتضايقني منه أنه اي خلاف بيحصل بينا حتى لو كان بسيط بيهجرني ويخاصمني بالاسابيع مبيكلمنيش حتى لو مشكله بسيطه مفيهاش جرح كرامه او اي حاجه بيكون تاتش بسيط بينا ممكن يقعد شهر مبيكلمنيش ولا ينام جنبي ومعاملته تتغير تماما لغايه ماينسا الموقف ويرجع يروق قلبه جامد عليا اوي وممكن مثلا لو مشكله كبيره ممكن يقعد شهور لا يكلمني ولا يقربلي وديما بياخد كل كلامي على أعصابه أنا تعبت منه جدا وحاليا احنا مبنتكلمش بسبب أنه كان عازم أهله اول رمضان وانا في اليوم دا قصرت شويه في خدمتهم من التعب لغايه دلوقت مبيكلمنيش وبيعاملني كاني خدامه عنده 
أنا فكرت كتير اطلب الطلاق لاني أنا طبعي طيبه جدا ومش بشيل ولا بطول في الخصام زيه كدة بس قولت استشير حضرتك الاول لو له حل