كيف اجعل أهل زوجي يحبوني ويحترموني؟
12.01.22 21:33
انا مشكلتي يابروفيسور اني عايشه في بيت عيله ليا سلفتين وحماتي واخت زوجي وطبعا اخوات زوجي وانا يعتبر الجديدة عليهم لاني زوجي هو أصغرهم
ديما كلهم حاطين في بالهم اني ممشيه زوجي وبأثر عليه ومكرهاه فيهم ومن فتره طلب اخوه الوسطاني يستلف مبلغ من زوجي واحنا اساسا مديونين من وقت تجهيزات فرحنا وانا رفضت أنه يسلفه وان الاولى مامته تسلفه ولا تبيع دهبها وتساعده
من وقتها وكلهم واخدين موقف مني محدش بيزورني ولا بيكلمني غير ع أد السلام وعملت عزومه محدش جه غير مراه اخوه التاني وكلهم بقو بينهم حاجه مشتركه أنهم يكرهوني
انا والدي بيديني فلوس بروح اشتري لنفسي بيهم لبس وكدة وكل ما يشوفوني جيبه حاجه جديدة حماتي تقعد تقول كله من خير ابني واني مشوفتيش الهنا غير لما اتجوزته وكلام صعب ويوجع اوي ومواقف كتير بيعملوها عشان يطفشوني مش عارفه اعمل ايه