محتاجة عمل لجلب الخطاب وفك سحر تعطيل الزواج
14.02.18 1:39
انا دخلت الموقع وقرأت كل تعليقات الناس اللي اتعاملت مع حضرتك وكلهم بيشكروا فيك
نفسي تساعدني انا كمان وتفرحني زي ما فرحتهم يا أعظم بروفسير في الدنيا
حالي واقف دايما مع اني على قدر من الجمال وبيجيلي عرسان كتير من زمان ودايما اللي أكون متعلقه بيه وبحبه مبيقدرش يجيلي ويفضل معلقني معاه
انا مش عارفة ابتدي منين واقول ايه ولا ايه حكايتي غريبة انا بنت وحيدة واخ وماما .بابا الله يرحمه اتوفى العام الماضي من غير مايفرح بيا من زمان وانا كنت مطلوبة من كل اللي بيشوفني بس بابا الله يرحمه كان عايزني أكمل تعليمي الأول وبعدين أبقى أتجوز بس مكانش معارض اني اتخطب مثلا لأن أثناء تعليمي كان ليا أقارب كتير عايزين يتقدمولي فكان موافق اني اتخطب للي هوافق عليه بس الحال مشي على كده اني حتى متخطبتش لاني كنت مترددة اني أتجوز حد من قرايبي وكانت الحياة حلوة وليها إحساس حلو وكنت عارفة في التوقيت ده أن بنات العيلة بيحسدوني لاني كنت دلوعة وحبوبة اكتر بنت فيهم مطلوبة للجواز بس والله انا مكنتش متكبرة انا كنت في حالي بس هما اللي كانوا ورايا ورايا وليا قريبة في مرة قالتلي انتي واثقة من نفسك كده ومش هامك طبعا لانها شايفة كل شباب العيلة عايزين يرتبطوا بيا يعني وانا مش مهتمة بحد فيهم
وكان ليا خالة بتحاول تخطف مني أي واحد بيحاول يقرب مني أو أنه عايز يتجوزني لبنتها اللي اصغر مني باريع سنين يعني مثلا كان ليا ابن خالة تانية عايزني وفضل ورايا اكتر من سبع سنين بيحاول يقربلي وبيحاول يقنعني بالجواز وقالي انه عايز يتجوزني بس انا كنت صغيرة كنت لسه حوالي 17 ولا 18سنة ولا كنت واعية ولا كبيرة كفاية عشان أفكر فيه فكنت ببعد وقولتله احنا لسه صغيرين وهو كان عارف ان مشاعري ناحيته مكانتش زي مشاعره بس كان بيحاول لانه كان بيحبني اوي وعرفت بعدها بسنين من أخته هى اللي قالتلي أن الخالة دي كانت بتحاول تاخده لبنتها بأي طريقة وتقوله تعالا خد بنتي وسيبك من اللي بتجري وراها وتغيظة مني وتقوله أصلها باصة لفوق وعايزة تتجوز دكتور أو مهندس يعني كلام كده عشان تخليه يكرهني بس هو قالها لو متجوزتهاش مش هتجوز اي بنت من العيلة وفعلا نجحت أنها تغيظه مني وتبعده عني بس هو بقى كل شوية يبعد ويرجع يحاول معايا لان قرايبي كانوا دايما يقولوله معلش هى اصلها صغيرة وانت حاول تجذبها ليك وتخليها تحبك وخلى مشاعرها ناحيتك تتغير من مشاعر قرابة ومتربيين مع بعض لمشاعر حب وفضل ورايا لغاية ما ابتديت اوافق من كتر ما كل اللي حواليا بيقولولي ده بيحبك اوي وبيشكرولي فيه ويقولولي جربي تتخطبي له ومشاعرك هتتغير ساعتها المهم قعد معايا واتكلمنا وبعدها مش عارفة اختلفنا شوية بس مكناش اتفقنا أننا ننهي موضوعنا المهم فجأة عرفت انه راح أتقدم لواحدة تانية من برة العيلة طبعا انا ساعتها حسيت اني اتضايقت يعني بيجري ورايا كل ده وكان بيطفش مني أي حد يحاول يقربلي حتى في مرة وقف قصاد ابن عمي اللي كان في الفترة دي بيحاول انه يقربلي وقفوا قصاد بعض يبصوا لبعض نظرات رخمة كأن كل واحد بيقول للتاني بعنيه انا أولى بيها وبعد كل ده وبعد ما اتفق معاه وابتديت أوافق يجري يتقدم لواحدة تانية!
المهم انا سكت وبعدت ولقيت أخته جاية لغاية عندي تقولي انه بيحبني انا وأنه بيرمي نفسه وبتترجاني اني اكلمه وأجي على كرامتي وأحاول يعني اقوله سيبها وتعالا اتجوزني طبعا انا رفضت لاني كنت مستغربة انه يسبني بعد السنين دي كلها فجأة كده وابتديت أحس أن في حاجة مش طبيعية بس مكنتش فاهمة المهم بعد ماراح طلبها من أبوها لقيته في يوم من الأيام واحنا عند قرايبنا جايلي وطلب انه يقعد معايا وقعدنا ولقيته بيلومني أن انا السبب من الأول لاني مسمعتش كلامه من الأول وأنه بيحبني انا وكان هيتجنن وهو بيكلمني المهم لقيته بيقولي انا هنهي موضوعها وهجيلك انتي انا بحبك وفضل يمسك في أيدي لدرجة أنه باس أيدي وانا سكت بردو واتفقنا على كده ومشي
بعدها بيوم لقيتهم كلهم بيقولولي ده بيقول انه استقر عليها وأنه هيكمل موضوع خطوبته بالبنت الغريبة طبعا انا كرهته ساعتها وبردو حطيت في قلبي وسكت وفي نفس الوقت كنت مستغربة وفجأة كده في الايام دي بقيت أحس الدنيا غريبة
و يعني مبكونش مبسوطة وبنام كتير والأيام زي بعضها طبعا الأقارب ابتدى كل واحد يتجوز ويشوف حياته وانا واقفة مكاني
وفي مرة كان في فرح روحناه شافني هناك مهندس محترم أعجب بيا وانا واقفة لقيته جه كلمني وقالي انه غرضة شريف يعني وعرفني بنفسه وقالي انه عايز يرتبط بيا طبعا انا في الفترة دي بقيت حاسة أن في حاجة تعباني وإني مش مرتاحة واخد رقمي وكلمني في التليفون بعدها عرف ان في فرح في العيلة عندنا لقيته بيقولي انا هاجي اسمحيلي ولقيته فعلا جه الفرح وقعد ساعتها مع بابا وطلبني منه وهو قاعد مع بابا بيكلمه عليا لقيت خالتي اللي هى مامت اللي كان عايز يتجوزني وسابني راح خطب جاية بتتحجج بأي كلام مع ماما عشان تبص للعريس اللي بيكلم بابا عليا لأنه كان قاعد مع بابا ومديهم ضهره وهما مش شايفين وشه فقامت تكلم ماما عشان تبصله طبعا كانت باينة اوي وكلنا أخدنا بالنا
ومع أن المهندس مكانش عاجبني بس كنت بحمد ربنا انه جالي في التوقيت ده بالذات وكنت هتخطبله لكن للأسف المهندس حتى معرفش يدخل بيتنا
وكل مايحاول ييجي ميعرفش بعد ما كلم بابا عليا واتفق معاه وبقى يتصل واهله يكلموني وامه تكلمني ويقولولي انه طاير بيا وقريب هييجي يخطبني وفي مرة اتصل يقولي انا مش عارف أدخل بيتكم ومش عارف في ايه لدرجة أنه شك يكون معموله عمل ميتجوزش ولقيته بيقولي انا روحت لشيخ يشوف مالي مش عارف اجيلكم ليه بس الشيخ قالي انا معنديش حاجة وشوفي ليكون من عندك انتي
وبعدها الموضوع وقف على كده وبعدت عن المهندس وبعدها صاحبتي كلمتني على اخوها محاسب ووافقت وارتبطت بيه ارتباط جامد وفي آخر لحظة كلمني فون وعيط وقالي انه مش هيتجوزني
وساعتها نفسيتي تعبت جدا واتدمرت بالبطئ لاني اتعلقت بالشخص ده وكنت عايزة استقر ويكون ليا بيت واولاد
وبعدها اتقدملي شخص تاني ووافقت غصب عني مكنتش متقبلاه بس ماما ضغطت عليا لأن السنين كانت بتجري ووافقت وبعد ما لبست الدبلة ب 40 يوم هو اللي فسخ الخطوبة من غير أسباب وقال لقرايبه انه مش مرتاح مع أن انا معملتلوش حاجة
وبعدها اتعرفت على شاب وكان معجب بيا بعدها بقى يقول قدامي انا مش عارف في ايه انتي حلوة وكل حاجة بس مش عارف في ايه كأن في حاجة بتمنعه انه يتجوزني
فضلت مستنياه كتير لأنه ولا كان بيبعد ويسيبني ولا كان بييجي ويخلص
طبعا الموضوع برضو انتهي
وبعدها صحباتي جم يخرجوني من البيت لاني قفلت على نفسي وحسيت اني مقهورة على حالي ونفسي خرجت معاهم اتعرفت على شاب جذبني اول ما شوفته واتعرفنا وطبعا بعدها طلب انه يقابلني برة وفعلا قابلته ووقعت في حبه حسيت أن هو ده اللي كنت بتمناه في أحلامي طول عمري وبعدها قالي انه بيحبني وبيعشقني وانا كمان حبيته من قلبي وبعد ماكان بيفكر انه يتجوزني بأي شكل فجأة سكت وبقى كل فين وفين لما يكلمني وحالتي النفسية بقت بتسوء يوم بعد يوم وبعدها بابا توفى الله يرحمه ملحقش يفرح بيا وماما بقت مريضة وخايفة تموت وتسيبني لوحدي في الدنيا وبتوصى القرايب عليا ليك انك تتخيل سيدي الموقف
وانا بقيت في حيرة مبقتش عارفة هتجوز امتى ومين وهلحق أعيش حياتي وافرح زي البنات ولا لأ
انا نفسي الدنيا ترجع حلوة تاني معايا زي زمان يعني اذا كان في سحر أو تعطيل ليا تفكهولي عشان اقدر أحس بطعم الحياة والحال يمشي وارد كرامتي لحسن انا بقيت محرجة اشوف الناس وانا حالي واقف كده
ونفسي اوي بس محرجة وانا بقولك اني بتمني انك تبقى حنين عليا شوية في الطلبات عشان انا على قد حالي والله
ويمكن بعدها اقدر اني اطلب طلب تاني من حضرتك لما أحدد مين اللي عايزة أعيش معاه وأقول لحضرتك جوزهولي لاني عندي ثقة أن لما اقولك على حد معين هتجوزهولي على طول ببركتك وقدرتك ياغالي ياعظيم
نفسي في جلب أفضل الخطاب هما اللي يرجعوا يجروا ورايا كلهم زي زمان من غير ما انا اتعب ولا أجري ورا حد وانا اختار انسبهم ليا
يااعظم بروفسير انت املى ومفيش غيرك ينقذني
(اللي بتمناه اوي اوي حاليا معلش انا متخبطة خالص وعشان متكونش طلباتي كتير أن لو في سحر أو تعطيل ليا تفكهولي وأحس بطعم الحياة زي زمان
وتقولي الموضوع ده سعره كام عشان اجهز نفسي بس ده طلبي دلوقتي )