السلام عليكم انا منة عمري 30 سنة تزوجت وانا عمري 27 سنة وكنت احب زوجي ووقف جمبه انا واهلي في فترة الخطوبة عشان نكمل الزواج وتهاونت في حقي من حيث التجهيزات والفرح وبعد الزواج بعت ذهبي عشان نسدد الاقساط والديون اللي عليه الفترة دي كانت اصعب فترة في جوازنا وكانت اول سنة جواز كنت بساعد في مصاريف البيت كمان من شغلي وفلوس كنت محوشاها قبل الجواز صرفتها عليه وعلي البيت وانا لما لاقيت الحال كدة أجلت الخلفة وهو وافق عالقرار دة لغاية تاني سنة زواج باباه مات وورث منه مبلغ كويس راح جاب عربية ومجبليش الدهب اللي بعته عشانه ولا اداني الفلوس الي صرفتها عليه وقولت مش مشكلة المهم انه كبر شغله وبقا حالته المادية كويسة بعدها اتفاجئت انه بيخوني مع وحدة معرفش عرفها منين هو اصبح مهمل معايا ومعاملته اتغيرت فانا ومامتي شكينا فيه وخليت ابن خالي يهكر موبايله لاقيت بلاااااااوي لاقيته بيخوني وبيصرف عليها ورايح جي معاها وبيجبلها هدايا بألوفات طبعا انا طلبت الطلاق وذلني وبهدلني عشان يطلقني من غير ماخد حاجة مختش غير جهازي االي انا جيباه مختش منه مؤخر حتي وناس كتير قالتلي متطلقيش وكل الرجالة بتخون بس انا مقدرتش هو بجد كان بيستنزف مشاعري وفلوسي اما اكتشفت خيانته فضلت شوية ع امل انه يسبها ويرجع لبيته بس الامر كان بيسوء كنت انا اللي بصرف عالبيت ومبشوفش منه معاملة حلوة ولا تقدير بيستخسر فيا كل حاجة ويجبلها هي فضلت براقبه وانا ساكتة مش بواجهه حتي اني عرفت بخيانته صبرت عليه بس الطلاق كان احسن اطلقت بعد ماخسرت كل حاجة انا عايزة اعمله عمل يقهره عايزاه يفضل طول حياته عايش مريض ومقهور وفقران ميعرفش يتجوز من بعدي ويندم عليا اذا كان عليا انا هعرف ابدا حياتي ازاي بس عايزاه هو ينتكس يابروفيسور هو دة طلبي من حضرتك