المشكلة باختصار اني بحب شاب وعملت معاه علاقة وبعد اول مرة طلب اني اعمل معاه تاني وأجر شقة وراح عاش لوحده عشان يعرف يقابلني هناك بقينا بنتقابل يومين في الاسبوع الموضوع دة بدأ من ساعة الحظر أيام الفيروس لغاية دلوقتي وانا اتقدملي عريس كويس ومناسب واهلي طبعا موافقين. رحت واجهته قالي إحنا استحالة نتجوز قهرني وكسرني يابروفيسور دانت كنت بتبوس ايدي عشان نتقابل! انا اصلا عارفة ان مفيش شاب بيتجوز بنت عمل معاها علاقة ولكنه كان بيوعدني ديما انه هيتجوزني وكان مبين انه بيحبني وبيعشقني ولما بغيب عنه بيعيط بالدموع وللأسف صدقته دلوقتي انا مدمرة حياتي اتدمرت وفكرت في الانتحار كتير انا مش عارفة اعمل اية واهلي بقو شاكين فيا بعد ما شافو حالتي دي وهو عملي بلوكات من كل حتة وبروحله مكان الشغل بتاعه مبيرضاش ينزل يشوفني وبعتلي زميله قالي متجيش هنا تاني عشان هتعمليله مشكلة وهتسوقي سمعته! انا هسوق سمعته! وبالنسبة لحياتي اللي اتدمرت
بجد مش عارفة اعمل اية انا مقهورة منه اوي ومش عارفة انتقم منه ولا اعمله جلب ويبقا زي الخاتم في صباعي انا عايزة نصيحة الإدارة لأني افكاري متلغبطة ومش عارفة اقرر هو كل اللي انا متأكدة منه اني عايزة اشوفه بيتبهدل وبيتدمر زي ما دمرني