كيف أتاكد انه معمولي سحر من حماتي؟
18.10.20 6:44
وعندي مشاكل مع جوزي وعيلته من لما اتجوزت وانا بتحصل وانا معايا مشاكل مع جوزي
واحنا حاليا متخانقين لينا اسبوع ومن ساعتها وانا عند اهلي حتى ما سأل على ابنه انا مش عارفه ليه بيحصل معايا كدا
على طول خناق وبيضربني ويشتمني من غير سبب واهله بيكرهوني من غير سبب وخاصة امه
اتمنى من البروفيسور انه يساعدني لاني نفسيتي تعبت من المشاكل فى ناس كتير قالولي انه حماتي عملالي سحر بس انا مش عايزه اسيئ الظن فى حد
ودايما بحلم بأشباح وناس ميته بتطاردني في احلامي ودايما بحلم ان جوزي طلقني واخدت فتره كنت بحلم بشخص بيجيني بيهاجمني في احلامي بس انا كنت ببقى صاحيه وحاسه بكل حاجة وكنت بقاومه وكنت ببقى عايزه اقوم بس مش بقدر غير لما بينتهي وحده وبقوم مخنوقه كأني في كابوس على الرغم اني كنت بقعد اقرى قرآن لما بيهاجمني بس مابتتغيرش حاجة كنت بترعب لما بييجي الاول كان مجهول بس بعدين بقى ييجي على هيئة زوجي او سلفتي لدرجة اني كنت بخاف منهم وبخاف انام