زوجي عنيد وينساق وراء أهله
30.03.22 22:53
انا زوجي شخص عنيد اوي بيعند فالغلط قبل الصح عمره ماعترف انه ولا مرة غلطان في حقي انا ببقا عارفة مصلحته فين وبوجهه للحل المظبوط بس هو ديما يمشي ورا دماغه او بمعني اصح كلام اخوه اللي كان سبب انه يخسر فلوس كتير في شغله عشان بيغير منه بس جوزي مش شايف دة هو بس شايف اني انا اللي عدوته ومفكرني عشان بكره اهله فعايزة اعاندهم وخلاص
والله مواقف كتير عدت علينا بنغرق بسببه وبسبب دماغه اخوه اشار عليه انه يعمل صنف خاص بشغله من خامة جديدة انا زوجي عنده مصنع مفروشات ولما عمله خسر اكتر من 50000 بسبب انه مش راضي يتباع وكل المحلات لما بتشتري الصنف دة بترجعه تاني
انا بس بحكي لحضرتك موقف من المواقف الكتير اللي اتكدرنا عشانها انا كان لازم احط حل للموضوع دة وكويس اني لاقيت حضرتك
