زوجي متقلب المزاج ويكره التلامس والمداعبات
27.02.22 19:47
بدأت الاحظ انى مش بكون مبسوطة خالص واحنا بنخرج مع بعض دايما كان هو سرحان صامت وهادى مش بيتكلم كتير متحفظ دايما وممكن يقول كلمة ويسكت ودايما نرجع متخانقين من اى خروجة مزاجه دايما مقريف
كمان كان ديما بيتجنب النظر لعيونى ويبص لاي حاجة حواليه ولو حتى السقف حاولت اسيبه مع انى كنت معجبة بيه جدا وحسيته طيب واخلاق عن الناس اللى شوفتهم قبله
وبعد ما اتجوزنا للأسف بقي الموضوع زاد الصمت زاد والقريفة وتقلب المزاج زاد وإحساس الوحدة وعدم الونس بيزيد مع الوقت
انا شخصية رومانسية وعاطفية فوق الوصف بيسمونى الحالمة جدا يعنى يهمنى الكلمة الحلوة الغزل الاهتمام والتركيز مع تفاصيلى
للاسف مبلاقيش دا بالشكل اللى يسد احتياجاتى وبلاقي جفاف ف المشاعر وجفاء حتى طريقة النوم بحس بالوحدة فيها لانه بيدينى ضهره وهو نايم ف بحس بالرفض
وهو مش بيحب التلامس الكتير بيتخنق للاسف بس انا بحب الطبطبة والحنية وكل ما يبعث على الدفء والحب والحنان مبقتش حاسة بشغف لعلاقتنا
نفسي يتغير ويعمل معايا عكس كل اللي انا حكيته
حضرتك تقدر تساعدني