احب فتاه ومجبور على الزواج من فتاه أخرى ماذا افعل؟

12.01.22 3:59




الجنس : ذكر
العمر : 28
البُرج : الثور

معاينة صفحة البيانات الشخصي للعضو


انا يابروفيسور فيه في حياتي بنتين 
وحدة خطيبتي مكتوب كتابنا هي بنت خالتي وبنت عمي في نفس الوقت ( خام جدا فتحت عينيها عالدنيا حبتني ومتعرفش اي حاجه غير أنها بتحبني وبتتمنالي الرضا قارين فاتحه من واحنا في الثانويه العامه) 
في الاول كنت بحبها لكن حاليا حبي ليها تحول حب عشره ومليت من الدائرة المقفوله اللي بتعامل فيها 
البنت التانيه اتعرفت عليها أثناء سفري (عكس خطيبتي احلى منها شكلا ولبقة في الكلام وأنيقة وفيها كل حاجه أنا بحبها وهي قربت مني وحبتني من غير ماتعرف اني خاطب بنت عمي) 
هي اكتر بنت حبيتها في حياتي بهرب لصورها لما اكون مخنوق 
اتهربت منها وكسرت قلبها بعد ماعلقتها بيا عشان الموضوع آخره سراب اني كاتب كتابي طبعا واهلي عمرهم ما هيوافقو يدخلو بنت غريبه البيت وهيرفضو اني اسيبها وممكن ابويا ميدنيش الشقه اتجوز فيها لو متجوزتش بنت عمي 
مشكلتي يابروفيسور اني مش سعيد حاسس اني لو كملت الجوازة هدفن نفسي وشبابي وحياتي خصوصا أن خطيبتي ملهاش في أي حاجه ولا بتعرف تتناقش معايا ولا تسمعني كل حاجه حاضر ونعم غير أني معتش ليا من ناحيتها اي انجذاب جنسي 
ازاي ابعد عنها واتجوز البنت التانيه برضا اهلي؟
هل ترغب بالتعليق على الموضوع؟ سجل دخولك الآن إن كنت تملك حسابا على موقعنا. إن كانت هذه أول زيارة، فقم بإنشاء حساب جديد لنشر تعليقاتك واستفساراتك.