ابغى حبيبي يتقدم لي ويتزوجني
03.01.22 2:55
اخبارك
يارب تكون طيب وبخير
اعرف انك مشغول كثير وماتقدر ترد أول بأول...
لكن انا راح اشرح لك قصتي
انا من بداية سن المراهقة حبيت رجل واستمر حبنا ليومك هذا ٧سنوات ونصف أو تقدر تقول قربنا ندخل لل٨سنوات
يشهد علي ربي اني حبيته بصدق
لدرجة انه كان يطلب مني أرفض اي عريس يتقدم لي
وانا كنت أرفض أملا على أنه حنتزوج
حاليا عمري ٢٦سنة وقربت ادخل ٢٧ طلبت منه يحسم وضعنا ويجي يتقدم لي
صار يتهرب مني
ويقولي امي رافضه
وابوي رافض وأهلي رافضين
واخر عريس تقدم لي طلبت منه يتقدم لي قبله لانه اهلي كانوا خلاص جابريني اتزوجه بحكم اني طولت واغلب اللي في سني تزوجوا
الفترة اللي طلبت منه يتقدم
قالي انه جاه تسمم وهرب مني وسكر جهازه
وانا خلاص حموت ماحقدر استحمل اللي عمله فيني
كل شوي يكذب علي ويتهرب
وانا عايشة في بيئة بسيطة وفقيرة وأهلي مايصدقو اني اتزوج علشان المصاريف تخف عليهم
وبدأت احس نفسي عالة على أهلي وبنفس الوقت قلبي مايبغى غيره
كثير تعبت يابرفسور
أبغاه يتقدم لي ونتزوج
مليت من الانتظار