انا اتخطبت 6 مرات وشغاله ممرضه في مستشفى في المنصورة  وبفركش بعد شهر او شهرين من كل خطوبه وساعات اسبوعين بجد اخر واحد ده دمرني نفسيا واذاني بسبب ان هو كان راسم حياته علي شقايا هو كان شغال معايا  ممرض وكان بيستغلني ماديا مره اشحنله مره اجبله هديا مره يستلف مني فلوس وميرجعاش 
لغايه ما زهقت منه وسيبته 
بعدها سببلي مشاكل كتير اوي ف شغلي ووسخ سمعتي اي حد بيجي يسأل عليا فالشغل للجواز وكدة بيقول عليا أسوأ الكلام 
انا معظم زمايلي عارفين ظروفي وعارفين أنه شخص كذاب 
بس للاسف الناس بتكذب الكذبه وتصدقها لدرجه اني اتكلمت مع زميل ليا تاني فكرني مش كويسه وخدني لسكه وحشه فالكلام 
يابروفيسور أنا عندي ٣٢ سنه ونفسي اتجوز واحد يصوني ويحافظ عليا ويكمل معايا كل اللي اتخطبتلهم كانو بيتغيرو معايا ساعدني