عايزة انتقم من طليقي
04.03.19 17:30
انا عندي مشكله كبيره مع طليقى
واحنا اطلقنا اربع مرات
اتجوزنا خمس سنين وكانت ظروفه الماديه صعبه جدا وماكانش بيشتغل
والدى راجل على اد حاله...بس على اد ماكان بيقدر ماكانش بيخلينا محتاجين حاجه...كان بيديله مصروف زيه زيي بالظبط
انا مخلفه من ولد وهو عنده اربع سنين دلوقتي
المهم
انا فضلت جنبه الفتره دى كلها..وكانت فتره صعبه جدا...واستحملت فقر وذل وتعب وحرمان من كل شئ في الحياة
بس علشان بحبه
واول ماربنا كرمه بشغل كان بيتمناه رمانى في الشارع انا وابنى..وقطع اخباره واتصالاته حتى باهلى ... وبعد فتره عرفت انه طلقنى غيابى....والسبب اللى قاله انه مش عايزنى علشان انا مش شبهه...ونسى كل حاجه بينا
ابنه كان متعلق بيه جدا...وطلب يشوفه كتير..ولما كذا مره ابوه كان بيرفض ..الولد تعب وجاله سكر
دلوقتي هو ولا بيشوف ابنه ولا بيصرف عليه ولا على علاجه...وغير كده هو واهله اتكلمو عنى في شرفى...وراح اتجوز واحده زميلته من عيله كبيره
انا مابتمناش في حياتى غير انه يتكسر زى ما كسرني انا وابنى
كل اللي عايزاه انه يترفد من شغله...وبجد انا نفسي تساعدنى ...هو رمانا في الشارع علشان شغله..اللي انا السبب فى انه يعرف يوصله...ودلوقتي مابتمناش غير انه يترفد نهائي علشان ساعتها فعلا هارتاح وهابطل كل ما اشوف ابنى قدامى اعيط ويصعب عليا.....انا نظرى راح من كتر العياط ليل نهار....ارجوك تساعدنى
