ديما بشيل معايا مية في الشنطة ، مش بحب البس شنط صغيره اللي هي طالعه موضه دي عشان اعرف احط فيها المية والاكل والمصحف ، كل صحابي بيتريقو عليا اني حتا لو نازله علي اول الشارع باخد معايا مية ، ايوا أنا معايا حق أفرد موت أو عملت حادثة روحي تطلع وانا مش معايا بوق ميه!! 
حتى وانا رايحه انام لازم قبل مانام اكل كل اللي نفسي فيه وبيجي علي بالي في الوقت دا حتا لو هطلبه دليفري 
أفرد برده موت وانا نايمه هموت وانا نفسي ف اكل وجعانه! 
كنت مرتبطه بشخص وكان ديما يقولي انتي مريضه نفسيا بسبب اللي انا بعمله دا وبعد عني ، ايام ماكنا مرتبطين كنت برفض اروح معاه ملاهي ويرفض اركب العربيه معاه عشان متعملش حادثة واموت وانا علي معصيه واتفضح قدام اهلي 
الموضوع بقا زايد معايا اوي اني بقيت كل ما بنزل مبعرفش أنزل لوحدي لازم اخد اختي معايا أو صحبتي عشان لو حصلي حاجه فالطريق هما يلحقوني 
انسانه كبيره زيي بتخلي اختها توصلها الجامعه عشان ابقي مطمنة 
بس انا كنت مفكره اني طبيعيه وطبيعي اعمل حسابي اني ممكن اموت في أي لحظه حتي لما بيتقدملي عرسان برفض اتجوز عشان بخاف اخلف اطفال واسبهم يتامى 
هل دا طبيعي ولا انا فعلا مريضه نفسيا؟