بروفيسور يارون انا في ورطة انا متزوجة من سنتين الموضوع باختصار ان زوجي مر بظروف صعبة وانا وقفت جمبه بعت دهبي واشتغلت في حاجات هانت ميد من البيت وابيعها اونلاين واستلفت مبلغ كبير من ابويا من عشان اخليه يقف على رجله تاني بس اللي حصل انه اخد المبلغ قالي هقدم بيه في وظيفة في بنك يعني يدفع مبلغ زي رشوة كدة عشان يعينوه وقالي الوظيفة أفضل من اني افتح مشروع حتي هتبقا مضمونة وانا وافقت دلوقتي هو اخد الفلوس دي وطلع مقدمش على وظيفة ولا اي حاجة صرفهم على الستات في شرم الشيخ وفي الوقت دة قالي انه مسافر مع صحبه بيدور علي شغل هناك قبل مايقدم في البنك تخيل يابروفيسور
ووالدي طالب مني الفلروس وانا مش عارفة اقوله ايه انا مش عارفة اعمل ايه بجد دماغي وقفة انا عايزة من حضرتك طريقة تخليني اخد بيها الفلوس منه وارجعها لوالدي لان والدي محتاجها وانا خلاص مش هقف جمبه تاني اديني بشتغل وبصرف علي نفسي
